Me starta dagen med å tøffa rundt i jolla for å sjå oss om inne i bassenget rundt Engøy og Nautøya, eventyrlig vakkert her. Når det var rett flo og straum gjekk me ut Nesstraumen, lite trim i dag så Eilev jobbar her med ein slags styrketrening eller kva det no er… Me gjekk ut mellom Lundøy og Engeløy og inn i Brunvær, her møtte me… ..denne idyllen av ei sandstrand, og fann ut att me berre måtte sleppa ut ankeret og bli. Det vart ein uverkelig kveld i omgivelsar som knapt kan beskrivast…  Me tukka ein runde med jolla, møtte fleire ørner – her blir ei jaga av ein måse! I dag 28. juli tok me ein liten runde for å ta bilete av av desse anemonene under vatn før me letta anker. På veg attende til båten vart me vinka inn på kaffi av Jarle Berg som har sommarhus her – uventa og svært tiveleg. Uheldigvis kom eg til å sletta bileta eg tok hjå han før eg fekk lasta dei inn på dataen… Me gjekk for å fiska på veg til Røssøy, Eilev med godt mot og nye kveitefiske tips… Kveita ville ikkje bita i dag heller, men eg fekk ein flott torsk som Eilev heiv på sjøen då han skulle sløya… Som plaster fiska han ein ny torsk, men denne viste seg å vera full i kveis… På tide å sula opp fisket for å handla på butikken her i Steigen. Handelsmannen meinte måndag var ein dårleg handledag – tysdag og onsdag var mykje betre. Det synte seg å halda stikk, kyllingen me kjøpte var ikkje etande endå datoen var ok… Mykje dessert i kveld mao 😉