Ååå… sol frå klar himmel i Skottland, og høveleg seglvind – kan ein ha det betre ?? nyt, nyt…

Opp med segl, la autopiloten ta rorvakta og innta fordekket. Trådlause meldingar til styrmannen i falle seglet skulle koma i vegen for sola. Beste plassen å vera for oss to, berre vellyd frå småbøljene. Kjempefint. Livet er perfekt.

Og legg ein hovudet bakover ser ein opp på motoren som arbeider utan ein lyd…

Island of Skye kjem stadig nærare, vi ser fort at denne øya skal det bli kjekt å bli kjent med.

Så dukkar Old Man of Storr opp. Den har vi tenkt på lenge. Artig å sjå kor den markerar seg i horisonten, og frodig og flott landskap framanfor.

Det er alltid kjekt på Cirkeline II, men slike dagar krydrar.

Vi har fått anbefalingar «Spectacular Cliffs from sea» frå ein kjentmann om å gå langs innsida av Skye. Det held så absolutt stikk, vi har ikkje sett maken til basaltsøyler, som liksom ber heile berget over. Og heile småøyer av 5 og 6-kanta trappetrinn.

Så målet for etappen – hamna i Portree.

Her som mange andre stader er det lagt ut kvalitetssikra bøyar som det berre er å ta tak i tampen i. Veldig greitt, spesielt når det er mykje vind. Ulempa er om ei treng landstraum og at jollen må vera klar for å ta ein i land. Her hadde dei eiga bryggje for gjestejollane. 10 pund for natta, berre å sleppa 10 pund-seddelen inn i postluka hjå «Harbour Master»

Men i dag var det ikkje vanskeleg å ta seg til lands.

Portree er ein fargerik og koseleg liten by. Det hadde også landevegsfarande turistar oppdaga. Mange ulike nasjonalitetar i gatene og «fully booked» på på dei mest tiltalande restaurantane. Det samme var tilfelle for leigebilar, men med litt hjelp frå det norske støtteapparatet som hadde betydeleg betre internett, fann me til slutt ein som kunne stilla bil til oss – «can you handle a manual drive» spurde han – og det kunne vi (med el-bil har vi eigentleg ikkje topp trening i dette no)

Så då vart det å velja eit hakk ned på restaurantskalaen. Her kunne vi også få hummar. Forsåvidt ein ny vri for oss dette med grilla hummar med pommes frites og  italiensk salat. Vi feira menyen og sommardagen og tilsagnet om leigebil for to dagar med rose-vin, og reiv til og med i med dessert.