Dagens etappe (starta i Selje):

Me starta dagen med å «snusa» innom Selje kloster etter St. Sunniva.

I fylje historia omkom ho og ei rekkje andre i hola ovanfor klosteret.

Hornelen er heller taggete i kanten der den reiser seg over oss.

Ved Hornelen var me innom i Vingen der eit av dei største helleristningsfelta i landet ligg. Men det var forbode å gå i land. Karrige kår for det vesle bruket som ligg her.

Vingen.

Vi var innom i Dombevågen på Hovden og lurte litt på å leggja oss for anker der, men ein underleg fyr ropa og skreik frå ein haug, hadde klåre meiningar om at me burde dra ein annan stad. Dette er sjeldan kost, stort sett er det svært hyggelege og imøtekomande folk me møter. Allemannsretten er viktig, og ankringsplass  var merka i kartet. Me valde likevel å gå vidare til Florø.

Fiskarguten i Florø held stand sjølv om det regnar litt.